Վաշինգտոնը հայտնել է ԱՄՆ ազգային անվտանգության համար լուրջ սպառնալիքի մասին
Փետրվարի 15-ին ԱՄՆ Կոնգրեսը փակ ճեպազրույց կանցկացնի «ազգային անվտանգությանը սպառնացող լուրջ սպառնալիքի» վերաբերյալ։ Այս մասին հայտարարել է Ներկայացուցիչների պալատի հետախուզության հանձնաժողովի նախագահ Մայք Թերները, փոխանցում է CNN-ը։
Թերներն ասել է, որ Ներկայացուցիչների պալատի հետախուզության հանձնաժողովը փետրվարի 13-ին հավանություն է տվել Կոնգրեսի անդամներին գաղտնի տեղեկատվության հասանելիությանը: ԱՄՆ ազգային անվտանգության հարցերով խորհրդական Ջեյք Սալիվանը հաստատել է, որ վաղը անձամբ կտեղեկացնի Ներկայացուցիչների պալատի անդամներին, սակայն հրաժարվել է հստակեցնել, թե ինչ սպառնալիքի մասին է խոսքը։
Գործին ծանոթ երկու աղբյուրներ և անանուն պաշտոնյան հեռուստաընկերությանը հայտնել են, որ սպառնալիքը կապված է Ռուսաստանի հետ: CNN-ի աղբյուրը, որը ծանոթ է հետախուզությանը, ասել է, որ դա «շատ մտահոգիչ «ռուսական ներուժ է», որի մասին մենք վերջերս իմացանք»: