Նման բաներ ասող մարդիկ պարզապես կորցրել են չափի զգացումը. Զախարովան արձագանքել է Սարգիս Խանդանյանին
ՌԴ ԱԳՆ ներկայացուցիչը քննադատել է ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանի խոսքերն այն մասին, որ Բաքվի հետ բանակցությունները Վաշինգտոնի և Բրյուսելի հարթակներում միջազգային հեղինակություն ունեն, և դա լեգիտիմություն է ավելացնում դրանց։
«Մենք ուշադրություն ենք դարձրել Ազգային ժողովի արտաքին հարաբերությունների հանձնաժողովի նախագահ Սարգիս Խանդանյանի այն հայտարարությանը, որ Վաշինգտոնի և Բրյուսելի հարթակներում բանակցությունները միջազգային հեղինակություն ունեն, և դա լեգիտիմություն է հաղորդում դրանց: Գիտեք՝ Արևմուտքին հաճոյանալու համար ամեն դեպքում պետք չէ հասնել ծայրահեղության և անհեթեթության մեջ ընկնել: Ցավոք, նման բաներ ասող մարդիկ պարզապես կորցրել են չափի զգացումը», - ասել է Զախարովան։
Ըստ ՌԴ ԱԳՆ պաշտոնական ներկայացուցչի՝ Հարավային Կովկասում իսկապես կայուն խաղաղության հաստատման այլընտրանք չունեցող ճանապարհային քարտեզը 2020-2022 թվականներին Ռուսաստանի Դաշնության, Ադրբեջանի և Հայաստանի միջև ամենաբարձր մակարդակով ձեռք բերված եռակողմ պայմանավորվածությունների շարքն է:
«Վաշինգտոնն ու Բրյուսելը կա՛մ ուղղակիորեն կրկնօրինակել են դրանք, հիշեցնում եմ նրանց, ովքեր խոսում են Վաշինգտոնի և Բրյուսելի հարթակների ավելի մեծ լեգիտիմության մասին, կա՛մ փոխել են դրանք՝ ելնելով իրենց պատեհապաշտական շահերից»,- ասել է Զախարովան։
Նա հիշեցրել է, որ հենց եվրոպական հարթակներում՝ Պրահայում և Բրյուսելում, կայացած համաժողովներում ՀՀ իշխանությունները Լեռնային Ղարաբաղը ճանաչել են Ադրբեջանի մաս՝ միանգամայն մոռանալով հայ բնակչության իրավունքների և անվտանգության ապահովման անհրաժեշտության մասին:
Ինչո՞ւ էր Քյարամյանը Լևոն Քոչարյանի հետ խոսում հարգանքով, Աղազարյանի հետ՝ քամահրանքով
Հայաստանում խորհրդարանական ընտրություններ լինելու դեպքում հարցվածները հիմնականում կընտրեին ՔՊ-ին, ԲՀ...
Հայկ Դեմոյանն առաջարկում է բերման ենթարկել ԿԳՄՍ նախարարին, Հարություն Մարությանին, Հրանուշ և Լուսինե...
Անդրանիկ Քոչարյանն այնպես է գոռգոռացել, որ անգամ միջանցքներում է լսելի եղել
Փորձում են իրականացնել պլան Բ-ն․ Ի՞նչ կա Անդրանիկ Քոչարյանի մտքին․ «Կարճ ասած»
Հայտնի է, թե ինչն է եղել ԱԺ շենքում նախկին պատգամավորի ու անվտանգության աշխատակիցների միջև տեղի ունե...
Գիտնականները պարզել են, թե ինչու են ոմանք չափազանց սուր արձագանքում չլփոցին, խշխշոցին, խռմփոցին և ծա...
Արգիշտի Քյարամյանի վարքագիծն ունեցող, էդ մակարդակի պաշտոնյան չպետք է մեր երկրում պաշտոնավարի. Հովիկ ...
Երևանում 74-ամյա տղամարդը սեռական ոտնձգություն է կատարել 9-ամյա աղջնակի նկատմամբ
Ներթիմային ճաքերը գնալով խոշորանում են