Ուկրաինայի մի շարք շրջաններում օդային տագնապ է հայտարարվել
Ուկրաինայի մի շարք շրջաններում օդային տագնապ է հայտարարվել։ Այս մասին հաղորդում է ՌԻԱ Նովոստին՝ հղում անելով Ուկրաինայի թվային փոխակերպման նախարարության առցանց քարտեզներին։
Հաղորդվում է, որ օդային տագնապ է հայտարարվել Սումիի, Խարկովի, Դնեպրոպետրովսկի և Պոլտավայի մարզերում, ինչպես նաև Զապորոժիեի մարզի՝ Կիևի կողմից վերահսկվող հատվածներում։
Ըստ առցանց քարտեզների՝ Զապորոժիեի մարզի՝ Կիևի կողմից վերահսկվող հատվածներում օդային տագնապի ազդանշանը հնչում է Մոսկվայի ժամանակով ժամը 10։06-ից (Երևանի ժամանակով՝ 11։06)։ Դնեպրոպետրովսկի մարզում օդային տագնապ է հայտարարվել ժամնը 17։28-ին (Երևանի ժամանակով՝ 18։28), իսկ 17։41-ին (Երևանի ժամանակով՝ 18։28) այն հնչել է նաև վերոնշյալ մյուս մարզերում։
Ռուսաստանի զինված ուժերի ուկրաինական ենթակառուցվածքի վրա հարձակումները սկսվել են հոկտեմբերի 10-ին՝ Ղրիմի կամրջի վրա տեղի ունեցած ահաբեկչությունից երկու օր անց, որի հետևում, ըստ Ռուսաստանի իշխանությունների, կանգնած են ուկրաինական հատուկ ծառայությունները։ Հարվածները հասցվում են ամբողջ երկրի էներգետիկայի, պաշտպանական արդյունաբերության, ռազմական հրամանատարության և կապի օբյեկտներին։