Հայտնի է դարձել, որ Պուգաչովան պատրաստվում է վերադառնալ բեմ
Երգչուհի Ալլա Պուգաչովան կարող է բեմ վերադառնալ ամանորյա տոներին։ Այս մասին հայտնում է Mash Telegram ալիքը՝ իր աղբյուրներին հղումով։
Ի դեպ, արտիստը նախատեսում է ելույթ ունենալ Կիպրոսում և Դուբայում, սակայն Մոսկվայում ներկայացումները ևս չեն բացառվում, եթե դրանք անցկացվեն գաղտնի։
Տելեգրամյան տվյալներով՝ իր ելույթների համար Պուգաչովան կարող է ստանալ մինչև 500 հազար դոլար, ինչը 150 հազար դոլարով ավելի է, քան 2020 թվականին։ Աղբյուրները նշում են, որ վճարը չի ներառում կացարանի, տրանսպորտի կամ կազմակերպիչի ծախսերը:
Ավելի վաղ խոսվում էր այն մասին, որ Պուգաչովան ՌԴ է վերադարձել՝ հավանաբար անշարժ գույքի վաճառքի հետ կապված թղթաբանությամբ զբաղվելու։ Նշենք, որ ռուս-ուկրաինական պատերազմից հետո Պուգաչովան լքել է ՌԴ-ն պրոուկրաինական իր դիրքորոշման համար ու այժմ բնակվում է Իսրայելում։