Շվեյցարիայում Պարկինսոնի հիվանդությամբ տղամարդու ողնաշարի մեջ չիպ են դրել ու նա կարողացել է քայլել
Առաջին հիվանդը, ով ողնաշարի իմպլանտ է ստացել Պարկինսոնի հիվանդության բուժման համար, պատմել է, որ «վերածնունդ» է ապրել այն բանից հետո, երբ բուժումը թույլ է տվել նրան նորից քայլել առանց ընկնելու:
Ֆրանսիայի Բորդո քաղաքի բնակիչ 63-ամյա Մարկին ավելի քան 20 տարի առաջ ախտորոշել են դեգեներատիվ հիվանդություն և նա ունեցել է շարժունակության լուրջ խնդիրներ, այդ թվում՝ վատ հավասարակշռություն և քայլվածքի քարացում: Երբ նրա օրգանիզմ ներդրվել է իմպլանտ, որը վերականգնում է ողնաշարից ազդանշանների նորմալ փոխանցումը դեպի ոտքի մկանները, տղամարդը կարողացել է անհամեմատ ավելի լավ քայլել։
Իմպլանտը դեռ լիարժեք կլինիկական փորձարկումներ չի անցել, բայց շվեյցարացիները, ովքեր երկար ժամանակ աշխատում են «ուղեղ-մեքենա» ինտերֆեյսի մշակմամբ, որի նպատակն է հաղթահարել կաթվածի հետևանքները, հուսով են, որ իրենց տեխնոլոգիան կարող է ամբողջովին նոր մոտեցում առաջարկել Պարկինսոնի հիվանդությամբ տառապող մարդկանց շարժողական սահմանափակումը բուժելու համար: