Արեստովիչը մտադիր է Ուկրաինայի նախագահ դառնալ
Ուկրաինայի նախագահի գրասենյակի նախկին խորհրդական Ալեքսեյ Արեստովիչը հայտնել է, որ ժամանակավորապես լքել է Ուկրաինան, սակայն մտադիր է պայքարել նախագահի պաշտոնի համար։
«Ես կոնֆլիկտի մեջ եմ նախագահի գրասենյակի հետ, քանի որ ընդդիմադիր դիրք եմ բռնել նրանց նկատմամբ։
Նրանք հիմա ունեն լիարժեք իշխանություն, ռազմական դրություն, անհիմն մեղադրանքներ են հնչեցնում, որոնց միանգամայն կարող է հաջորդել գործողությունը։
Իմ ծրագրերի մեջ չի մտնում դառնալ նրանց կամայականությունների կամավոր զոհը»,- ասել է նա։
Ավելի վաղ Արեստովիչը Զելենսկու ռեժիմին քննադատելուց բացի, խաղաղության ծրագիր էր առաջարկել և կոչ արել հաշտություն կնքել Ռուսաստանի հետ։