Կետադելֆինի տեսակը, որը մարդկանց օգնել է կետ որսալ հազարամյակների ընթացքում, այժմ, թերևս, վերացել է
Հազարավոր տարիներ շարունակ, տաուա ժողովուրդը` յուին ազգի ներկայացուցիչները արևելյան Ավստրալիայում, ունեցել են կետերի որսի բացառիկ ռազմավարություն, որը նկարագրված է Heredity ամսագրում հրապարակված նոր ուսումնասիրության մեջ։
Տաուայի որսորդները պարզել էին, որ իրենք կարող են աշխատել կետադելֆինների հետ Ավստրալիայի Տվոֆոլդ նեղուցում՝ ինչը հնարավորություն էր տալիս նրանց դուրս գալ ուղիղ որսի վրա։ Տաուայի որոշ որսորդներ նույնիսկ երգում էին կետադելֆինների համար:
Այս հարաբերությունները շարունակվում էին սերնդեսերունդ մինչև 1930-ական թվականները՝ բրիտանացի գաղութարարների՝ Ավստրալիա ժամանելուց մոտ 150 տարի անց, երբ կետադելֆիններն անհետացան տարածաշրջանից:
Երկար ժամանակ անհասկանալի էր մնում, թե ինչ է պատահել կետադելֆինների հետ։ Սակայն մոտ 100 տարի առաջ հայտնաբերված 23 ոտնաչափ երկարությամբ կետադելֆինի կմախքի ԴՆԹ-ի վերլուծության և տաուա ժողովրդի գիտելիքների շնորհիվ գիտնականներն այժմ կարծում են, որ տեսակը այս վայրում վերացել է: