Մահմուդ Աբասը հրաժարվել է Բայդենի հետ հեռախոսազրույցից. Kan
Պաղեստինի ինքնավարության նախագահ Մահմուդ Աբասը հրաժարվել է հեռախոսազրույց ունենալ ԱՄՆ նախագահ Ջո Բայդենի հետ՝ վերջինիս չորեքշաբթի Իսրայել կատարած այցի ժամանակ: Այս մասին, ինչպես գրում է timesofisrael.com-ը, Kan հանրային հեռուստաընկերությանը հայտնել է աղբյուրը:
Վկայակոչելով Ռամալլայում անանուն քաջատեղյակ պաղեստինյան աղբյուրին, Kan-ը գրում է, որ Բայդենի վարչակազմի պաշտոնյաները փորձել են հեռախոսազրույց կազմակերպել առաջնորդների միջև, սակայն Աբասը մերժել է խնդրանքը:
Հիշեցնենք, որ Աբասը նաև հրաժարվել էր մասնակցել Բայդենի և արաբ առաջնորդների հետ հանդիպմանը, որը պետք է կայանար այս շաբաթվա սկզբին Հորդանանում: