Պետքարտուղարության պաշտոնյան հրաժարական է տվել, քանի որ դեմ է Իսրայելին լրացուցիչ ռազմական օգնության տրամադրմանը
ԱՄՆ Պետքարտուղարության պաշտոնյան, որն աշխատում էր սպառազինությունների գլոբալ փոխանցումների բաժնում, չորեքշաբթի հրաժարական է տվել, քանի որ դեմ է պաղեստինյան ՀԱՄԱՍ խմբավորման և Իսրայելի միջև բախումների ֆոնին Վաշինգտոնի կողմից Իսրայելին լրացուցիչ ռազմական օգնության տրամադրմանը: Այս մասին գրում է Axios-ը:
Ջոշ Փոլը, որը Պետքարտուղարության Ռազմաքաղաքական հարցերի բյուրոյի՝ Կոնգրեսի և հասարակական կապերի բաժնի տնօրենն էր, իր հրաժարականի վերաբերյալ բաց նամակը հրապարակել է առցանց՝ որպես նախագահ Ջո Բայդենի վարչակազմի դեմ բողոքի հազվագյուտ հրապարակային դրսևորում: Սա տեղի է ունեցել այն ֆոնին, երբ ԱՄՆ նախագահը պատրաստվում է Կոնգրեսից աննախադեպ ռազմական օգնության փաթեթ խնդրել Իսրայելի համար:
Փոլը, որը 11 տարի աշխատել է Պետքարտուղարությունում, Բայդենի վարչակազմի որոշումը որակել է «կողմնակալության վրա հիմնված իմպուլսիվ արձագանք», «կարճատեսության, ապակառուցողական, անարդար քաղաքականություն»։
Միևնույն ժամանակ նա ընդգծել է, որ ՀԱՄԱՍ-ի հարձակումը Իսրայելի վրա պարզապես հրեշավորություն էր:
«Բայց ես իմ հոգու խորքում հավատում եմ, որ Իսրայելի պատասխանը, և դրա հետ մեկտեղ ամերիկյան աջակցությունը և՛ այդ պատասխանին, և՛ օկուպացիայի ստատուս քվոյին, միայն ավելի ու ավելի խորը տառապանք կբերի թե՛ Իսրայելի, թե՛ Պաղեստինի ժողովրդին, և դա չի բխում ԱՄՆ-ի երկարաժամկետ շահերից», - պարզաբանել է Փոլը:
Վերջինս նաև գրել է, որ վախենում է, որ ԱՄՆ-ը «կրկնում է նույն սխալները, որոնք արել է վերջին տասնամյակների ընթացքում»:
«Ես հրաժարվում եմ ավելի լինել այս ամենի մասը», - եզրափակել է նա:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ