Իսրայելը, ԱՄՆ-ն եւ Եգիպտոսը պայմանավորվել են Գազայի հատվածի հարավում ժամանակավոր հրադադարի մասին
Իսրայելը, ԱՄՆ-ն եւ Եգիպտոսը պայմանավորվել են Գազայի հատվածի հարավում առավոտյան ժամը 9-ին ժամանակավոր հրադադարի մասին, ինչը համընկել է Եգիպտոսի կողմից Ռաֆահի սահմանային անցումը բացելուն՝ Գազայի հատվածից օտարերկրյա քաղաքացիների տարհանման եւ հումանիտար օգնության համար, Reuters-ին տեղեկացրել են եգիպտական անվտանգության ծառայության երկու աշխատակիցներ։
Նրանց խոսքով՝ հրադադարը կտեւի մի քանի ժամ։ Նրանք նաեւ տեղեկացրել են, որ երեք երկրները պայմանավորվել են, որ Ռաֆահը կբացվի երկուշաբթի, մինչեւ Գրինվիչի ժամանակով ժամը 14.00-ն։
Իսրայելցի զինվորականները եւ Իսրայելում ԱՄՆ դեսպանությունը, ինչպես նաեւ ՀԱՄԱՍ-ի ներկայացուցիչները, առայժմ չեն հաստատել այս տեղեկությունը։