Խռովություն Պարագվայի ամենամեծ բանտում
Պարագվայի ամենամեծ բանտի բանտարկյալները խռովություն են բարձրացրել՝ պատանդ վերցնելով 11 աշխատակցի եւ հրդեհելով Տակումբու լեփ լեցուն բանտի շինությունը։ Այն գտնվում է մայրաքաղաքի ծայրամասում։
Ներքին գործերի նախարար Էնրիկե Ռիերի խոսքով՝ երկու պատանդ ավելի ուշ ազատ է արձակվել։ Բախումների ժամանակ տուժել է երկու ոստիկան։
Տակումբուում մոտ 4 000 բանտարկյալ է պահվում, ավազակախմբերը լիակատար ազդեցություն ունեն նրանց կյանքի վրա։
Reuters-ի լուսանկարչի կատարած լուսանկարներում երեւում է, թե ինչպես է բանտարկյալն առանց վերնաշապիկի կանգնած բանկի պատին եւ քար է նետում անվտանգության ծառայության աշխատակիցների վրա՝ պաշտպանվելով տախտակով։
Բանտարկյալների ընտանիքները հավաքվել են դրսում՝ նորություններ սպասելով իրենց մերձավորների մասին։
Ներքին գործերի նախարարը հայտնել է, որ Պարագվայը կպահանջի բարեփոխել բանտային պայմանները խռովությունը դադարեցնելուց հետո։