Իսրայելը պնդում է, որ Սիրիան իրենց հարվածում է

Իսրայելական զինուժը Սիրիայի տարածքից գնդակոծություն է արձանագրել։ Այս մասին հայտնել է իսրայելական բանակի մամուլի ծառայությունը։

«Որոշ ժամանակ առաջ մի շարք արձակումներ են գրանցվել Սիրիայից դեպի Իսրայելի տարածք»,- ասվում է զեկույցում։ 

Զինվորականների տվյալներով՝ արկերի մի մասը հատել է սահմանը և հարվածել իսրայելական կողմին, իսկ մի քանիսն ընկել են անմարդաբնակ վայրերում։

Ի պատասխան՝ իսրայելցի զինվորականները հրետանային կրակ են բացել։

«Մեր անձնակազմը պատասխանել է հրետանային և ականանետային հարվածներով Սիրիայում արձակման աղբյուրի ուղղությամբ», - ասվում է հաղորդագրությունում։