Իսրայելին ծանր հարված է հասցվել
Վիրավորների թիվն այս պահի դրությամբ 2200 է, ունենք 700 զոհ, իսկ վիրավորներից 250-ի վիճակը ծայրահեղ ծանր է։ Այս մասին «Հրապարակի» հետ զրույցում ասաց իսրայելցի քաղաքագետ Մեննի Կորսունսկին։
Նա նշեց, որ մեր զրույցից ընդամենը րոպեներ առաջ է իրենց քաղաքը՝ Պետախ Տիկվան ենթարկվել հրթիռակոծության։
«Հրթիռակոծվում ենք՝ պատերազմը շարունակվում է։ Իսրայելի բանակը չի կարողացել դեռևս Իսրայելի տարածքի նկատմամբ իր ամբողջական վերահսկողությունը սահմանել, այս պահին հատուկ ստորաբաժանումներն են աշխատում Իսրայելի տարածքում՝ ՀԱՄԱՍ-ի ահաբեկիչներին լիկվիդացնելու ուղղությամբ։ Սեկտոր Գազայի հարևանությամբ՝ իսրայելի հարավային կողմում ռազմական բախումները դեռևս շարունակվում են»,-ասաց Կորսունսկին։
Նա նշեց, որ գերեվարված իսրայելցի զինվորականների ու խաղաղ բնակիչների մասին հստակ որևէ բան չկա՝ այդ ուղղությամբ աշխատանքները շարունակվում են, սակայն տեղեկություններ կան, որ ՀԱՄԱՍ-ի մարտիկները գերեվարում են ոչ միայն կանանց ու տարեցներին, այլ երեխաներին։
Հիշեցնենք, որ երեկոէ հոկտեմբերի ութին պաղեստինական ՀԱՄԱՍ խմբավորումը հարձակվել էր Իսրայելի վրա, ինչի հետևանքով ռազմական կազմավորման մարտիկները կարողացել էին ներթափանցել երկրի տարածք։ Բախումների հետևանքով զոհերը շատ են հատկապես խաղաղ բնակիչների շրջանում։
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Իրանի հարստացված ուրանի պաշարները միջուկային օբյեկտների փլատակներում են
Իրանի հավաքականները կարող են որակազրկվել և հեռացվել ՖԻՖԱ-ի բոլոր հետագա մրցաշարերից