Ռուսաստանը դեմ է ոչ միայն Երեւան-Կիեւ, այլ նաեւ Երեւան-Արեւմուտք շփումներին
Ռուսաստանի փոխարտգործնախարար Միխայիլ Գալուզինը դատապարտել է Հայաստանի վարչապետ Նիկոլ Փաշինյանի կնոջ՝ Աննա Հակոբյանի այցը Կիև։
«Ցուցադրական քայլեր էին Հայաստանի վարչապետի տիկնոջ՝ Կիև կատարած այցը և Ուկրաինայի նախագահ Վլադիմիր Զելենսկու հետ շփումը, ինչպես նաև Հայաստանի խորհրդարանի նախագահ պարոն Ալեն Սիմոնյանի շփումն իր ուկրաինացի գործընկեր Ռուսլան Ստեֆանչուկի հետ։ Վերջերս Երևանում հաճախախկի հյուրընկալել են Եվրոպայից տարբեր տեսակի հյուրերի, ովքեր նաև օգտագործում էին Երևանը որպես հարթակ տարբեր տեսակի հակառուսական հայտարարությունների համար»,- ասել է Գալուզինը РБК-ին տված հարցազրույցում։