ՌԴ Դաշնային խորհուրդը հայտարարել է, որ չի կարող օգնել Ռուբեն Վարդանյանին
Լեռնային Ղարաբաղի նախկին պետնախարար Ռուբեն Վարդանյանի՝ ՌԴ քաղաքացիությունից հրաժարվելու հետևանքները նրա անձնական ընտրության արդյունքն են, սա լավ օրինակ կարող է լինել նրանց համար, ովքեր կասկածում են ռուսական անձնագրի անգին լինելուն։ Այս մասին РИА Новости-ին ասել է Դաշնային խորհրդի սահմանադրական հանձնաժողովի անդամ Ալեքսանդր Բաշկինը՝ նշելով, որ Վարդանյանը չի կարողանա օգնություն ստանալ Ռուսաստանից։
«Քաղաքացիությունից հրաժարվելը կամավոր ընտրություն էր, համապատասխանաբար, այս քայլի բոլոր իրավական հետևանքները նրա ընտրության հետևանքն են։ Կարծում եմ՝ իրավական հետեւանքներ կլինեն նրա կամավոր քաղաքացիությունից հրաժարվելու համար։ Պայմանավորված նրանով, որ նա այժմ չի կարող օգնություն ստանալ Ռուսաստանի Դաշնությունից և չի ստանա»,- ասել է Բաշկինը։
Նա նշել է, որ «այս իրավիճակը կարող է լավ օրինակ լինել նրանց համար, ովքեր կասկածում են կամ կարող են կասկածել Ռուսաստանի քաղաքացիության անգին լինելուն»։
«Ինչ-որ մեկին ծնվելուց նման բախտ է տրվում, ճակատագրի նվեր: Եվս մեկ անգամ խոսում է այն մասին, թե ինչպես պետք է գնահատել այն, ինչ տալիս է ճակատագիրը, ծնունդն ու ծնողները»,- ասաց նա։
Ավելի վաղ ադրբեջանական լրատվամիջոցները տեսանյութ էին տարածել Արցախի նախկին պետնախարար Ռուբեն Վարդանյանի գերեվարման մասին։
Ավելի վաղ Ադրբեջանի պետական սահմանային ծառայությունը հաստատել էր, որ Վարդանյանը փորձում է լքել Արցախը և համապատասխան լուսանկար հրապարակել։
Վարդանյանի կինը՝ Վերոնիկա Զոնաբենդը, պատմել է, որ այսօր առավոտյան իր ամուսինը՝ Ռուբեն Վարդանյանը, ձերբակալվել և գերեվարվել է Ադրբեջանի իշխանությունների կողմից՝ սահմանին, երբ փորձում էր հազարավոր այլ հայերի հետ հեռանալ Արցախից:
Երրորդ համաշխարհային պատերազմը սկսվեց. Զալուժնի
Անդրեասյանը գիշերը հաղորդագրություններ է ուղարկել մի շարք դատավորների
Կրակոց՝ նաև ՆԳ նախարարի հրաժարականից հետո
Արգիշտի Քյարամյանը՝ ՊՎԾ պետ. Նիկոլ Փաշինյանը որոշում ունի
Բա ես ու իմ կարգավիճակի մարդիկ ի՞նչ անեն․ Սոֆյա Հովսեփյան
Ուկրաինան առաջին անգամ ՌԴ տարածքին հարվածել է ATACMS բալիստիկ հրթիռներով
Սա տգիտությունից բացի նաև ստորություն է. Լեւոն Քոչարյանը՝ Փաշինյանի աղմկահարուց հայտարարության մասին
Գեներալ Կարակաևը Պուտինի հետ խորհրդակցությունում. ռուսական «Орешник»-ն ի վիճակի է թիրախներ խոցել ամբ...
Պաշտոնանկության երկրորդ ալիքն էլ է լինելու. հաջորդը ովքե՞ր են SMS ստանալու
Ազգերի լիգա. հայտնի է Հայաստանի հավաքականի մրցակիցների վերջնական ցանկը