Ռուսական բանակը հրետանային հարված է հասցրել Ուկրաինայի Սերեդինա-Բուդա քաղաքին
Ռուսական բանակը հրետանային հարված է հասցրել Ուկրաինայի Սումիի շրջանի Սերեդինա-Բուդա քաղաքին։ Հայտնել է Ուկրաինայի գլխավոր դատախազությունը։
Հրետակոծության հետևանքով 4 բնակիչ բեկորային վնասվածք է ստացել։
Վնասներ են արձանագրվել նաև 16 բազմաբնակարան շենքի, 12 սեփական տնային տնտեսության, կրիտիկական ենթակառուցվածքի, 5 վարչական շենքերի և հիմնարկների, 3 ուսումնական հաստատությունների, մեկ խանութի և տրանսպորտային միջոցների վրա։
Տեղի իրավապահները ստացել են քաղաքացիների գույքին վնաս պատճառելու ավելի քան 100 ծանուցում։