Իտալիայում գողերը բնակարանում թանկարժեք իրեր չեն գտել և ներողությամբ գրություն են թողել
Իտալիայում փնտրում են գողերի, ովքեր ներողությամբ գրություն են թողել բնակարանի սեփականատիրոջը՝ ներխուժման համար, հայտնում է il Gazzettino-ն։
Միջադեպը տեղի է ունեցել Պորդենոնե նահանգում։ Հանցագործները ներխուժել են տուն, սակայն առանձնապես արժեքավոր ոչինչ չեն գտել այնտեղ։ Դրանից հետո նրանք վերցրել են սուրճի մեքենան ու աէրոգրիլը, սակայն անսովոր գրություն են թողել։
«Կներեք, բայց մենք փող չունենք և պետք է ուտենք։ Բայց ես տեսնում եմ, որ դու ոչինչ չունես»,- գրված է թղթի վրա։
Բնակարանի սեփականատերը դիմել է իրավապահ մարմիններին։ Քննիչների խոսքով՝ անհայտ անձինք միտումնավոր հաղորդագրությունը գրել են բլոկ-տառերով և սխալներով։ Այսպիսով, կասկածները կարող են ընկնել միգրանտների վրա։
Հանցագործները դեպքի վայրում ոչ մի ապացույց չեն թողել։ Որոնողական աշխատանքները շարունակվում են։