Մոսկվայի օդանավակայանները վերսկսեցին աշխատանքները
Մայրաքաղաքի «Վնուկովո», «Դոմոդեդովո», «Շերեմետեւո» եւ «Ժուկովսկի» օդանավակայանները առավոտյան ժամը 9-ի դրությամբ աշխատում են սովորական ռեժիմով։ Այս մասին տեղեկացրել է «Ռոսավիացիան»։
Նշված օդանավակայաններում թռիչքների սահմանափակումները մտցվել էին օգոստոսի 21-ի առավոտյան մինչեւ 8.30-ը, թռիչքների անվտանգության լրացուցիչ միջոցների ապահովման նպատակով։
Ինչպես տեղեկացրել են «Ռոսավիացիայում», սահմանափակումների հետ կապված՝ 45 ուղեւորատար եւ երկու բեռնատար չվերթներ վերուղղորդվել են Նիժնի Նովգորոդի, Կազանի եւ Սանկտ Պետերբուրգի պահեստային օդանավակայաններ։ Սահմանափակումների չեղարկումից հետո այդ չվերթների ուղեւորները կփոխադրվեն նշանակված օդանավակայաններ։
Նույն օրը Ռուսաստանի պաշտպանության նախարարությունը տեղեկացրել է, որ ռուս զինվորականները օգոստոսի 21-ին Մոսկվայի ժամանակով ժամը 06.50-ին խանգարել են Ուկրաինայի Զինված ուժերին գրոհ կատարել Մոսկվայի մարզում ինքնաթիռի տիպի անօդաչուով։