Կիևում հայտարարել են, որ Ուկրաինայում պատերազմի սառեցումը կտրուկ կավելացնի աշխարհում հակամարտությունների թիվը
Ուկրաինայում հրադադարի և պատերազմի սառեցման ցանկացած սցենար ներկա իրավիճակում կնշանակի միայն մեկ բան՝ Ռուսաստանի փաստացի հաղթանակ և Պուտինի անձնական հաղթանակ։ Այս մասին սոցիալական ցանցերում գրել է Վլադիմիր Զելենսկիի գրասենյակի ղեկավարի խորհրդական Միխայլո Պոդոլյակը։
«Միջազգային իրավունքը վերջնականապես կկորցնի ողջ ուժը, և կներդրվի «ջունգլիների օրենքը»։ Պատերազմը կդառնա քաղաքական նպատակներին հասնելու գործիք, իսկ հակամարտությունների ու քաոսի թիվն աշխարհում կտրուկ կավելանա։ Բոլորը կսկսեն մտածել, որ որ աշխարհի լուռ համաձայնությամբ հնարավոր է ներխուժել մեկ այլ երկիր, գրավել դրա մի մասը, այնտեղ կոտորած կազմակերպել և ուժի իրավունք հաստատել այս տարածքում։ Սա մեծ պարտություն կլինի արևմտյան աշխարհի համար և կավարտի ներկայիս համաշխարհային անվտանգության կարգը»,- գրել է նա։