Զինված կողոպտիչները Փարիզի կենտրոնում թալանել են շվեյցարական Piaget ժամացույցների խանութը
Զինված կողոպտիչները երեքշաբթի Փարիզի կենտրոնում հարձակվել են շվեյցարական Piaget ապրանքանիշի շքեղ ժամացույցների խանութի վրա եւ գողացել 10-ից 15 միլիոն եվրոյի զարդեր, հայտնում է Reuters-ը՝ վկայակոչելով Փարիզի դատախազությանը։
Կողոպուտը տեղի է ունեցել օրը ցերեկով, Վանդոմ թաղամասի դե լա Պե փողոցում գտնվող խանութում, որտեղ մի քանի ոսկերիչներ եւ ժամագործներ են աշխատում։ Վերջին տարիներին այս տարածքում մի շարք զինված կողոպուտներ են տեղի ունեցել։
Ընթանում է հետաքննություն, գործին մոտ կանգնած աղբյուրը հայտնել է, որ ոստիկանությունը որոնում է երեք կասկածյալի:
Անցյալ տարվա մայիսին զինված գողերը այս թաղամասում թալանել էին Chanel ժամացույցների և ոսկերչական իրերի խանութը և մոտոցիկլետներով փախել։ Վերջին տարիներին կողոպտվել են նաև Bulgari և Chaumet խանութները։
Piaget-ը շվեյցարական Richemont շքեղ ապրանքների խմբի մեջ է մտնում։