Ռուսաստանը անօդաչու թռչող սարքերով զանգվածային հարձակում է իրականացրել Կիևի վրա
Չորեքշաբթի օգոստոսի 2-ի գիշերը անօդաչու թռչող սարքերով զանգվածային հարձակում են իրականացվել Կիևի վրա, ըստ նախնական տեղեկությունների՝ «Shahed» տեսակի անօդաչուներով, տեղեկացրել է УНИАН-ը։
Հակառակորդի անօդաչու թռչող սարքերը միաժամանակ մի քանի ուղղություններից գրոհել են Ուկրաինայի մայրաքաղաքը, հայտնել է Կիևի քաղաքային ռազմական վարչակազմի ղեկավար Սերգեյ Պոպկոն։ Նրա խոսքով՝ հակաօդային պաշտպանության ուժերն ու միջոցները ոչնչացրել են հակառակորդի բոլոր անօդաչու թռչող սարքերը։
«Հակառակորդի ևս մեկ զանգվածային հարձակում հարվածային անօդաչու թռչող սարքերով: Նախկինում հակառակորդը կիրառել է «Shahed» տիպի զինամթերք: Անօդաչուների խմբերը միաժամանակ մի քանի ուղղություններով ներխուժել են Կիև: Այնուամենայնիվ, օդային բոլոր թիրախները՝ 10-ից ավելի անօդաչու թռչող սարքեր, հայտնաբերվել և ժամանակին ոչնչացվել են ՀՕՊ-ի կողմից»,- նշել է պաշտոնյան։