Ռուսական զորքերը անօդաչուներով հարձակվել են Խարկովի վրա
Օգոստոսի 1-ի գիշերը ՌԴ զինված ուժերը իրանական արտադրության «Shahed» անօդաչուներով հարվածներ են հասցրել Ուկրաինայի Խարկով քաղաքին։ Այդ մասին հայտնել է Խարկովի մարզային զինվորական վարչակազմի ղեկավար Օլեգ Սինեգուբովը։
Ուկրաինայի արտակարգ իրավիճակների պետական ծառայության տվյալներով՝ անօդաչուներից մեկն ընկել է քաղաքի Սալտովսկայա շրջանում գտնվող ուսումնական հաստատության եռահարկ շենքի վրա։ Դրա հետևանքով շինությունը մասամբ վնասվել է, ինչի հետևանքով հրդեհ է առաջացել։ Տուժածների մասին տվյալներ չկան։
Բացի այդ, հրթիռակոծվել է նաև Խարկովի Շևչենկովսկի շրջանը, որտեղ վնասվել է երկհարկանի սպորտային համալիրը։ Վիրավորվել է շենքի 63-ամյա պահակը։ Վերջինս հոսպիտալացվել է։