Ղրիմի վերադարձը կհանգեցնի էսկալացիայի․ Քիսինջեր
ՆԱՏՕ-ին Ուկրաինայի անդամակցության ապահովումը դժվար կլինի։ Նման դիրքորոշում է հայտնել ԱՄՆ նախկին պետքարտուղար Հենրի Քիսինջերը ռուս պրանկերների հետ զրույցում, որոնք ներկայացել են որպես Ուկրաինայի նախագահ Վլադիմիր Զելենսկի, գրում է «Մոսկովսկի կոմսոմոլեց»-ը։
ԱՄՆ նախկին պետքարտուղարն ասել է, որ հարցը «մանրակրկիտ ուսումնասիրություն» է պահանջում։
Պրանկերներ Վովանի եւ Լեքսուսի հետ զրույցի ընթացքում նա նաեւ ասել է, որ ԱՄՆ իշխանությունները չեն հավատում, որ Ուկրաինան կկարողանա վերադարձնել Ղրիմը ներկայիս հակահարձակման շրջանակներում:
«Ես կարծում եմ, որ Ղրիմի վերադարձը կհանգեցնի էսկալացիայի»,-ասել է նա։
Քիսինջերի կարծիքով՝ դա հարց է, որի լուծումը փակուղի է մտել։ Նա հստակեցրել է, որ կարելի է դիտարկել հանրաքվե անցկացնելու առաջարկը։