ԱՄՆ-ն եւ ՆԱՏՕ-ն բացատրել են Ուկրաինային կասետային զինամթերք հանձնելու պատճառները
Առանց կասետային զինամթերքի Ուկրաինայի Զինված ուժերը չեն կարողանա ո՛չ հարձակողական գործողություններ իրականացնել, ո՛չ դիրքեր պահել, կարծում են Սպիտակ տանը: Այս մասին երեքշաբթի լրագրողներին հայտնել է ԱՄՆ նախագահի՝ ազգային անվտանգության հարցերով օգնական Ջեյք Սալիվանը։
«155 մմ տրամաչափի կասետային զինամթերքի մատակարարման բացակայության դեպքում Ուկրաինան չի ունենա բավարար հրետանային արկեր ոչ միայն հակահարձակման իրականացման, այլեւ, հնարավոր է, ներկայիս դիրքերը պահպանելու համար»,-ասել է նա։
Նրա խոսքով՝ սովորական զինամթերքի պաշարները, որոնք ԱՄՆ-ն եւ դաշնակիցները մատակարարել են Կիեւին, սպառվել են, ուստի որոշվել է կասետային արկեր ուղարկել Ուկրաինային:
ՆԱՏՕ-ի գլխավոր քարտուղար Յենս Սթոլթենբերգն արդարացրել է Կիեւին կասետային զինամթերք մատակարարելու ԱՄՆ-ի որոշումը «վիթխարի անհրաժեշտությամբ» եւ Արեւմուտքում դրանց արտադրության դեռեւս ցածր տեմպերով։
«Մենք բոլորս պետք է հասկանանք, որ այս պատերազմը վաղուց դարձել է հյուծման պատերազմ, իսկ դա լոգիստիկայի պատերազմ է։ Ուկրաինայի զինամթերքի եւ պահեստամասերի մատակարարման, զենքի վերանորոգման եւ սպասարկման պահանջները հսկայական են։
Այս ժամանակահատվածում զինամթերքի մատակարարումը մարտահրավեր է: ՆԱՏՕ-ի երկրները դատարկել են իրենց պաշարները։ Երկարաժամկետ հեռանկարում վտանգ կա, որ Ուկրաինային չեն բավականացնի արկերը, ուստի մենք պետք է ամեն ինչ անենք, որպեսզի նրանց մատակարարենք առավելագույն քանակությամբ զինամթերք։ Ինչ վերաբերում է կոնկրետ զինամթերք տրամադրելու ՆԱՏՕ-ի երկրների որոշումներին, ապա դա իրենց ազգային որոշումներն են»,-ասել է Սթոլթենբերգը։
Նա նաեւ նշել է, որ ՆԱՏՕ-ի ավելի ու ավելի շատ երկրներ երկարաժամկետ պայմանագրեր են ստորագրում մեծ քանակությամբ զինամթերք ձեռք բերելու համար, եւ հույս է հայտնել, որ շուտով ՆԱՏՕ-ն կկարողանա արտադրել անհրաժեշտ քանակությամբ զինամթերք՝ Ուկրաինա մատակարարելու համար։
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...