Թալիբները հայտնել են Աֆղանստանում շվեդական ներկայացուցչությունների աշխատանքի դադարեցման մասին
Թալիբները հայտնել են Աֆղանստանում շվեդական ներկայացուցչությունների աշխատանքի դադարեցման մասին։ Աֆղանստանում շվեդական ներկայացուցչությունների աշխատանքը չի վերսկսվի այնքան ժամանակ, քանի դեռ Ստոկհոլմը մուսուլմաններից ներողություն չի խնդրել Ղուրանի պղծման համար։ Այս մասին հայտարարել է «Թալիբան» արմատական շարժման ներկայացուցիչ Զաբիուլլահ Մուջահիդը։
«Շվեդիայում Սուրբ Ղուրանի եւ մահմեդական հավատքի պղծումից հետո Աֆղանստանի Իսլամական Էմիրությունը (պետության անվանումը, որն օգտագործվում է թալիբների կողմից) դադարեցնում է շվեդական ցանկացած գործունեություն Աֆղանստանի տարածքում այնքան ժամանակ, քանի դեռ նրանք մահմեդականներից ներողություն չեն խնդրել այդ զզվելի արարքի համար»,-ասվում է հաղորդագրության մեջ։
Թալիբները նաեւ կոչ են արել մահմեդական մյուս երկրներին վերանայել Ստոկհոլմի հետ իրենց հարաբերությունները։