Պայթյուն է տեղի ունեցել Տոկիոյի կենտրոնում
Պայթյուն է տեղի ունեցել երկուշաբթի օրը Տոկիոյի կենտրոնում գտնվող շենքում։ Այս մասին հայտնում է NHK հեռուստաալիքը։
Դատելով սոցցանցերում հրապարակված դեպքի վայրից տեսագրված կադրերից՝ պայթյունը տեղի է ունեցել շենքում, որտեղ տեղակայված են մի քանի սրճարաններ և ռեստորաններ։ Այժմ այնտեղ հրդեհ է բռնկվել, դեպքի վայրում են փրկարար ծառայությունները։
Միջադեպի հետևանքով զոհերի և պայթյունի պատճառների մասին տեղեկություններ չկան։ Ըստ ականատեսների՝ դեպքի տարածքում գազի հոտ է զգացվում։ Տեղի բնակիչներին խնդրում են չմոտենալ դեպքի վայրին։