«Արցախը բնաջնջման եզրին է. Ֆրանսիան խոսքից պետք է անցնի գործի». Ֆրանսիա-Արցախ բարեկամության շրջանակ
Ֆրանսիա-Արցախ բարեկամության շրջանակը հանդես է եկել «Արցախը բնաջնջման եզրին է. Ֆրանսիան խոսքից պետք է անցնի գործի» խորագրով հաղորդագրությամբ:
Հաղորդագրության մեջ, մասնավորապես, ասվում է.
«2022 թվականի դեկտեմբերի 12-ից ի վեր Ադրբեջանի կողմից Արցախի Հանրապետության (Լեռնային Ղարաբաղի) շրջափակումը էլ ավելի ողբերգական ընթացք ունեցավ հունիսի 15-25-ն ընկած ժամանակահատվածում, երբ Բաքվի ռեժիմն արգելապատնեշ տեղադրեց՝ փակելով դեպի Հայաստան տանող ճանապարհը։
Անամոթաբար ձգտելով միջազգային հանրությունից թաքցնել իր իրական մտադրությունները՝ Ադրբեջանը հունիսի 25-ին տեղափոխեց այս պատնեշը՝ սակայն կրկին թույլ չտալով ազատ տեղաշարժը հայկական երկու պետությունների միջև: Այդ պահից ի վեր, Կարմիր խաչի միջազգային կոմիտեի (ԿԽՄԿ) և ՌԴ խաղաղապահ ուժերի շարասյուները, որոնք սուղ պաշարներ էին մատակարարում արցախցիներին, արգելվեցին: Այսինքն մի իրավիճակ, ինչը վկայում է, որ Ադրբեջանը կանխամտածված սովամահ է անում երկրի 120 000 բնակիչներին։
Բարեկամության շրջանակը հիշեցնում է, որ Ֆրանսիան ունի բոլոր միջոցները նախաձեռնել միակողմանի պատժամիջոցներ ադրբեջանական ռեժիմի դեմ՝ այս գործում ներգրավելով նաև Եվրամիությանը: ֆրանսիական դատարանները վերջերս ստացել են համընդհանուր իրավասություն՝ և փաստորեն ունեն իրավազորություն հետապնդել բռնապետ Իլհամ Ալիևին և նրա կամակատարներին։
Ֆրանսիա-Արցախ բարեկամության շրջանակը շեշտում է, որ Ռուսաստանի ներկայիս թուլացումը, ինչն արտացոլվում է Արցախում ընթացող զարգացումներում, պետք է մեծացնի Հարավային Կովկասի տարածաշրջանում Արևմուտքի և հատկապես Ֆրանսիայի գործողությունների հնարավորությունները»։
Ի լրումն՝ Ֆրանսիա-Արցախ բարեկամության շրջանակի նախագահ Ֆրանսուա Պուպոնին հայտարարել է․
«Այն, ինչ կատարվում է Արցախում՝ նրա բնակիչների սովամահ անելը, որպես էթնիկ զտումների նախերգանք, միջազգային սկանդալ է։ Ֆրանսիան այլևս չի կարող բավարարվել բառերով: Ֆրանսիայի կառավարության անգործությունն այս հարցում ավելի քան անհասկանալի է, քանի որ Ֆրանսիայի խորհրդարանի երկու պալատները, ինչպես նաև ողջ քաղաքական դասը պահանջում են գործել։ Արցախցիների դեմ Ադրբեջանի ոճրագործությունը չպետք է վերածվի «Արևելյան ճեպընթացում» տեղի ունեցած հանցագործության, որին, թեկուզ իրենց անգործությամբ, մասնակից կդառնան միջազգային հանրության բոլոր խոշոր անդամները»։
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Եվրամիությունը չի հասկանում Իրանում պատերազմի նպատակները. Կալաս
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները