Բլինքենը Պետդեպի աշխատակիցներին արգելել է մեկնաբանել «Վագներ» մասնավոր ռազմական խմբավորման շուրջ իրադարձությունները
ԱՄՆ պետքարտուղար Էնթոնի Բլինքենը Պետդեպի աշխատակիցներին արգելել է մեկնաբանել «Վագներ» մասնավոր ռազմական խմբավորման շուրջ իրադարձությունները, հաղորդում է Axios-ը՝ վկայակոչելով աղբյուրները։
Ըստ պորտալի տեղեկությունների՝ Բլինքենն արգելել է Պետդեպի աշխատակիցներին խոսել ապստամբության մասին եւ քննարկել Ռուսաստանում տիրող իրավիճակը։ Իսկ եթե պաշտոնյաներին արտասահմանյան կառավարությունների ներկայացուցիչները հարցնեն Ռուսաստանում տիրող իրավիճակի մասին, ապա նրանք պետք է ասեն, որ ԱՄՆ-ն հետեւում է իրավիճակին։
Աղբյուրներից մեկը հայտնել է, որ այդպիսով Վաշինգտոնը ցանկանում է երաշխավորել, որ ոչ մի ամերիկացի դիվանագետ ոչինչ չասի, որպեսզի տպավորություն չլինի, թե ԱՄՆ-ն կապ ունի այդ ճգնաժամի հետ։
Պորտալը նշում է, որ ապստամբության մասին հաղորդագրությունները լրջորեն մտահոգել են ամերիկյան վարչակազմին։