Ռուսաստանում ռազմական հեղաշրջման փորձը էական ազդեցություն չի ունեցել ռուսական բանակի մարտունակության վրա. ISW

«Վագներ» մասնավոր ռազմական կազմակերպության զինված ապստամբությունը, կարծես թե, էական ազդեցություն չի ունեցել Ուկրաինայում հարձակողական և պաշտպանական գործողություններ իրականացնելու ռուսական զորքերի կարողության վրա, ասել է ԱՄՆ-ի Պատերազմի ուսումնասիրման ինստիտուտը (ISW): Ինչպես ռուսական, այնպես էլ ուկրաինական աղբյուրները հայտնել են, որ մարտերը սովորականի պես շարունակվել են առաջնագծի ողջ երկայնքով, այդ թվում՝ Բախմուտի մոտ։

Ալեքսանդր Լուկաշենկոյի և «Վագների» ղեկավար Եվգենի Պրիգոժինի գործարքի հետևանքները Ռուսաստանի պաշտպանության նախարարության ղեկավարության համար նույնպես միանշանակ չեն, ասում են փորձագետները. «Պաշտպանության նախարարության ղեկավարության ցանկացած փոփոխություն կնշանակի Պրիգոժինի նշանակալի հաղթանակ, որն իր զինված ապստամբությունը արդարացնում էր՝ ուղղակիորեն մեղադրելով Շոյգուին և Գերասիմովին Ուկրաինայում տասնյակ հազարավոր ռուս զինվորների մահվան մեջ»։

Ըստ ISW-ի ենթադրության, այն փաստը, որ զինյալները վերադառնում են իրենց ուսումնամարզական ճամբարներ տեխնիկայով, վկայում է այն մասին, որ Կրեմլը մտադիր է պահել վարձկանների առնվազն որոշ մասին, քան նրանց անհապաղ զորացրել, թեեւ «Վագների» հրամանատարական և կազմակերպչական կառուցվածքի ապագան պարզ չէ:

Կան ռիսկեր, որ Պրիգոժինի զինված ապստամբությունը կընդլայնի ընդունելի հակակրեմլյան քննադատության պատուհանը, հատկապես, եթե նախագահի վարչակազմը մտադիր չէ հաշվեհարդար տեսնել Պրիգոժինի նկատմամբ, ասում են փորձագետները։