Քիսինջերը հնարավոր է համարել Չինաստանի եւ Թայվանի միջեւ ռազմական հակամարտությունը
Չինաստանի եւ Թայվանի միջեւ ռազմական հակամարտությունը հավանական է, եթե լարվածությունը պահպանվի ներկայիս տեսքով։ Նման կարծիք է հայտնել ԱՄՆ նախկին պետքարտուղար Հենրի Քիսինջերը։
«Հաշվի առնելով հարաբերությունների ներկայիս հետագիծը՝ ես կարծում եմ, որ հնարավոր է որոշակի ռազմական հակամարտություն։ Բայց ես նաեւ կարծում եմ, որ հարաբերությունների ներկայիս հետագիծը պետք է փոխվի»,-ասել է նա Bloomberg News-ին տված հարցազրույցում։
Քիսինջերի խոսքով՝ Վաշինգտոնն ու Պեկինը պետք է հետ կանգնեն իրենց դիմակայությունից, որը գտնվում է «անդունդի եզրին»: Ընդ որում, երկու կողմերն էլ միմյանց գնահատում են որպես ազգային անվտանգության հիմնական սպառնալիք։