Toyota-ն 2026թ. էլեկտրամեքենաների շարք կթողարկի ընթացքի հազար կիլոմետր պաշարով
Ճապոնական Toyota Motor-ը լիովին էլեկտրական մեքենաների (BEV) շարք կթողարկի 2026թ., նշվել է ընկերության մամուլի հաղորդագրությունում։
2030թ. ըկերությունը հույս ունի վաճառել 3,5 մլն էլեկտրամեքենա, գրել է Nikkei-ն։ Մայիսին բացված BEV Factory ձեռնարկությանը, որը մասնագիտանում է BEV-երի արտադրության ոլորտում, բաժին կընկնի 1,7 մլն ավտոմեքենա։
Ինչպես նշվել է, նոր սերնդի կուտակիչների եւ այլ տեխնոլոգիաների շնորհիվ մեքենաների ընթացքի պաշարը կհասնի հազար կիլոմետրի։
2030թ. Toyota-ն 8 տրլն իեն (70,4 մլրդ դոլար) կհատկացնի գիտահետազոտական, փորձակոնստրուկտորական աշխատանքներին եւ կապիտալ ներդրումներին էլեկտրամեքենաների, հիբրիդների եւ վառելիքի տարրերով, այդ թվում՝ կիսով չափ էլեկտրական մեքենաների (30 մոդել) արտադրության համար։
Ավտոարտադրողի բաժնեթղթերը թանկացել են 5,1 տոկոսով երեքշաբթի օրվա աճուրդների տվյալներով։ Վերջին երեք ամսում ընկերության կապիտալացումն ավելացել է 20,2 տոկոսով՝ 28,41 տրլն իեն։