Ամուսնու դավաճանության մասին լուրից հետո Նատալի Պորթմանին նկատել են նրա հետ զբոսնելիս

Դերասանուհի Նատալի Պորթմանն ամուսնու՝ Բենջամին Միլփիդի հետ ներկայացել է հանրությանը։ Այս մասին հայտնում է Page Sixx-ը եւ ներկայացնում համապատասխան լուսանկարներ։

Պապարացիները զույգին լուսանկարել են երեխաների հետ զբոսնելիս։ Լուսանկարներում դերասանուհին նրբորեն սրբել է արցունքներն ու գլուխը դրել ամուսնու ուսին։

Հունիսին Նատալի Պորթմանի ամուսնուն՝ 45-ամյա բալետի պարող Բենջամին Միլփիեդին բռնացրել են 25-ամյա բնապահպան ակտիվիստ Կամիլ Էթյենի հետ համբուրվելիս։ Համապատասխան լուսանկարները հրապարակել է Voici-ն։ Չնայած դրան՝ արտիստուհին չի հանել ամուսնական մատանին։

Ավելի ուշ հայտնի դարձավ, որ դերասանուհին ամուսնու դավաճանությունը երիտասարդ ակտիվիստի հետ համարում է իր համար ոչինչ չասող սիրավեպ։ Աղբյուրի փոխանցմամբ՝ Միլփիեդը զղջում է կատարվածի համար եւ անում է հնարավոր ամեն բան հարաբերություններում ներդաշնակությունը վերականգնելու համար։ Սակայն Պորթմանը դեռ վստահ չէ, թե դավաճանության ֆոնին ինչի կհանգեցնեն իրենց տարաձայնությունները, ասել է ինսայդերը։