Լրագրողները պարզել են ԵԲՏԽ գագաթաժողովում Տոկաեւին Պուտինի հանձնած երկտողի բովանդակությունը
Ղազախական ընկերությունների՝ ներքին սակագներով ՌԴ երկաթուղով փոխադրումների հասանելիության մասին հարցի պատասխանն էր պարունակվում այն երկտողում, որը Ռուսաստանի նախագահ Վլադիմիր Պուտինը հանձնել էր Ղազախստանի նախագահ Կասիմ-Ժոմարտ Տոկաեւին Եվրասիական բարձրագույն տնտեսական խորհրդի (ԵԲՏԽ) նիստում, որը տեղի է ունեցել մայիսի 25-ին Մոսկվայում։ Այս մասին երկուշաբթի լրագրողներին տեղեկացրել է Ղազախստանի նախագահի մամուլի քարտուղար Ռուսլան Ժելդիբայը, փոխանցել է ՏԱՍՍ-ը։
«Այդ երկտողում պարունակվում է ռուսական կողմի պատասխանն այն հարցին, որն առաջադրվել է ԵԱՏՄ ղեկավարների նեղ կազմով հանդիպման ընթացքում։ Խոսքը ղազախական բեռնառաք ընկերությունների՝ Ռուսաստանի երկաթուղով ներքին սակագներով փոխադրումների հասանելիության մասին է»,- ասել է Ժելդիբայը։
Նրա խոսքով՝ «Ռուսաստանի կառավարությունը կարծում է, որ Ղազախստանի տարածքի համար նախատեսված ապրանքները կարող են օգտվել արտոնյալ սակագներից, իսկ այն ապրանքները, որոնք տարանցմամբ են անցնում Ռուսաստանի տարածքով, պետք է ունենան արտահանման սակագներ»։
«Նախագահը երկտողով հանձնարարություն է տվել մեր կառավարությանը՝ շարունակել բանակցությունները ռուսական կողմի հետ այս հարցի վերաբերյալ՝ 2015թ. ԵԱՏՄ ստեղծման պայմանագրի սկզբունքների հիման վրա»,- ասել է մամուլի քարտուղարը։
Ավելի վաղ որոշ ԶԼՄ-ներ կադրեր էին տարածել, որտեղ երեւում է, որ ԵԲՏԽ նիստի ժամանակ Պուտինը երկտող է հանձնում Տոկաեւին։ Ղազախստանի նախագահը, այն կարդալուց հետո, գրավոր հանձնարարություն է փոխանցել հանրապետության կառավարության անդամներին։
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»
Հանրապետության առանձին շրջաններում սպասվում է կարճատև անձրև և ամպրոպ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Արմավիրի քրեական ոստիկանները հայտնաբերել են ոսկյա զարդերի խանութից կողոպուտ կատարած երիտասարդին