ՌԴ ԱԳՆ-ն՝ Փաշինյանի՝ Լեռնային Ղարաբաղը Ադրբեջանի կազմում ճանաչելու հայտարարության մասին
Ռուսաստանը Հայաստանի վարչապետի հայտարարությունը դիտարկում է հաստատում այն դիրքորոշմանը, որը նա որդեգրել է 2022 թվականի հոկտեմբերի 6-ին Պրահայում Հայաստանի, Ադրբեջանի, Ֆրանսիայի եւ Եվրոպական խորհրդի ղեկավարի մասնակցությամբ հանդիպմանը, որտեղ հղում են անում 1991 թ. Ալմա Աթայի հռչակագրին։
Այս մասին այսօր՝ մայիսի 24-ին, ամենշաբաթյա ճեպազրույցի ժամանակ ասել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ պատասխանելով հարցին, թե ինչպես է ՌԴ ԱԳՆ-ն գնահատում Նիկոլ Փաշինյանի հայտարարությունը՝ Լեռնային Ղարաբաղը Ադրբեջանի կազմում ճանաչելու մասին:
Մարիա Զախարովան ընդգծել է նաեւ, որ պետության կառուցվածքի քաղաքական տեսլականի մասին նմանատիպ հայտարարությունները Հայաստանի եւ նրա ժողովրդի արտոնություններն են:
«Ես Ձեր հարցը դիտարկում եմ միայն այն տեսանկյունից, որ Ռուսաստանը կարգավորման միջնորդ է հանդիսանում, եւ այդ առնչությամբ կարեւոր է ունենալ Լեռնային Ղարաբաղի վերաբերյալ Հայաստանի հստակ դիրքորոշումը, որովհետեւ սա պարզապես թեմա, հարց չէ, սա երկար տարիների հակամարտություն է։
Միջնորդական ջանքեր ցուցաբերվել են միջազգային կառույցների եւ տարածաշրջանային երկրների գծով։ Անշուշտ, ստորագրված փաստաթղթերով առաջ շարժվելու համար անհրաժեշտ է հասկանալ այդ հարցում պետության հստակ դիրքորոշումը»,- ընդգծել է Զախարովան:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Սամվել Կարապետյանին կալանավորելու միջնորդություն է ներկայացվել
Էլեկտրաէներգիայի ընդհատումներ կլինեն Երևանում և մարզերում․ հասցեներ
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
Սիթի ՍՊ ընկերության մի քանի աղցանի արտադրությունը կասեցվել է
Ղազախստանը Չինաստանի հետ բանակցություններ է վարում երկրորդ ատոմակայանի կառուցման հարցով