Լեհաստանում 7000 տարեկան կմախք է հայտնաբերվել
Լեհաստանի Կրակով քաղաքի մոտ մի խումբ հնագետներ հայտարարել են, որ հայտնաբերել են մարդու ամբողջական կմախք, որն ապրել է մոտ 7000 տարի առաջ։ Այս մասին հայտնում է Новая наука-ն։
Նեոլիթյան կմախքը հայտնաբերվել է Սլոմնիկի քաղաքի հրապարակի վերակառուցման ժամանակ։ Տղամարդուն թաղել են ոչ թթվային քիմիական բաղադրությամբ հողի մեջ, որը նպաստել է մարմնի պահպանմանը։ Թաղման մոտ հայտնաբերվել են կայծքարի բեկորներ, ինչպես նաև կերամիկայի բեկորներ։ Ըստ հնագետների՝ դրանք գծային խեցեղենի մնացորդներն են՝ նախապատմական խեցեղենի ոճ, որը հայտնվել է կենտրոնական և արևմտյան Եվրոպայում ուշ նեոլիթյան դարաշրջանում՝ մոտ մ.թ.ա. 5500-4500 թվականներին:
Առաջիկա ամիսներին հետազոտողները նախատեսում են իրականացնել այդ մնացորդների ռադիոածխածնային վերլուծություն՝ ավելի ճշգրիտ թվագրման համար:
Այս պահին չկա ոչինչ, որը թույլ կտա մեզ պարզել, թե ով է եղել թաղվածը։ Մարդաբանի կողմից ապագա վերլուծությունը կարող է ավելի շատ տեղեկություններ տալ: Այնուամենայնիվ, հետազոտողները կարծում են, որ թաղումը կարող է պատկանել նեոլիթյան առաջին ֆերմերներից մեկին, ով հարավից անցել է Կարպատները և, ի վերջո, բնակություն հաստատել ներկայիս Լեհաստանում: Այդ ժամանակաշրջանում որսորդ-հավաքողներն արդեն իսկ հաստատված էին այդ տարածաշրջանում։
Լույսն ամենաթանկ նվերն է, որ կարող ես տալ մարդուն
Առաջին նոր երգ` հարսանիքից հետո
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Z համաշխարհային պատերազմը վերադառնում է
Երթևեկության կազմակերպման փոփոխություն՝ Վարդանանց փողոցում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Ով կներկայացնի Հայաստանն այս տարի «Մանկական Եվրատեսիլ» մրցույթում
Դեպի Երևան․ ինչպե՞ս (տեսանյութ)
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...