Մոսկվայում հարբած տղամարդը դանակահարել է չորս մարդու
Մոսկվայի հարավում հարբած տղամարդը դանակահարել է չորս մարդու։ Այս մասին «Մոսլենտային» հայտնել են Ռուսաստանի ՆԳՆ-ի Մոսկվայի հարցով գլխավոր վարչության մամուլի ծառայությունից։
Գործակալության տվյալներով՝ միջադեպը տեղի է ունեցել կիրակի՝ մայիսի 21-ին, Լիպեցկայա փողոցում։ Հարձակվողը դանակով հարվածել է չորս մարդու, որից հետո տուժածները շտապ տեղափոխվել են հիվանդանոց։
35-ամյա հարձակվողը ձերբակալվել է։ Հարուցվել է երկու քրեական գործ՝ ՌԴ Քրեական օրենսգրքի խուլիգանության եւ դիտավորությամբ առողջությանը ծանր վնաս պատճառելու հոդվածով։