Այգիներում մարդիկ ավելի հաճախ են սմարթֆոններ օգտագործում․ հետազոտություն

Մարդիկ սովորականից ավելի քիչ են օգտագործում սմարթֆոնը անտառում հանգստի ժամանակ, բայց ավելի հաճախ՝ այգիներում եւ քաղաքային այլ կանաչ տարածքներում: Նման եզրակացության են եկել Վերմոնթի համալսարանի գիտնականները 700 մարդու մասնակցությամբ երկամյա հետազոտության ընթացքում, գրում է Phys.org-ը։

«Չնայած անցած ուսումնասիրությունները ցույց են տվել, որ քաղաքային զբոսայգիներում կարճատեւ հանգիստը կարող է թվային դետոքս ապահովել, մենք պարզեցինք, որ նման պայմաններում հաղորդագրությունների եւ զանգերի թիվը, ընդհակառակը, աճում է: Միեւնույն ժամանակ, անտառներում կամ արգելոցներում երկարատեւ այցելությունն օգնում է ձեզ կտրվել էկրանից»,-ասել է հետազոտության գլխավոր հեղինակ Քելթոն Մայնորը։

Նրա թիմի մեկ այլ եզրակացությունն այն է, որ երիտասարդները երկու անգամ ավելի շատ ժամանակ են անցկացնում սմարթֆոնի առջեւ, քան մաքուր օդին։