Իտալական Պորտոֆինո հանգստավայրը տուգանքներ է սահմանել զբոսաշրջիկների համար, որոնք շատ երկար սելֆի են անում
Պորտոֆինո հանգստավայրը 275 եվրոյով տուգանելու է զբոսաշրջիկներին չափազանց երկար սելֆի անելու փորձերի համար։ Քաղաքի երկու գեղատեսիլ վայրերը հայտնվել են սահմանափակումների ցանկում։ Այս եղանակով սեզոնին ակնկալում են պայքարել հետիոտների խցանումների դեմ, գրում է Forbes-ը։
Հանգստավայրում ապրում է մոտ 500 մարդ, սակայն ամռանը այնտեղ են գալիս հազարավոր զբոսաշրջիկներ, այդ թվում՝ հայտնի մարդիկ։
Տուգանք հնարավոր է ստանալ «առանց սպասման գոտում»՝ սրանք այն վայրերն են, որտեղ հետիոտնային խմբերը հանդիպում են զբոսաշրջային նավի ուղեւորների հետ: Այնտեղ պարապ մարդկանց բազմությունը խանգարում է հետիոտներին եւ արտակարգ ծառայություններին։ Սահմանափակումները կգործեն ողջ ամառ՝ առավոտից մինչեւ 18:00-ն։