Օվկիանոսագետները արբանյակների օգնությամբ գրեթե 20 հազար նոր ստորջրյա լեռներ են հայտնաբերել
Ամերիկացի օվկիանոսագետները ռադիոտեղորոշիչ արբանյակների տվյալների օգնությամբ հայտնաբերել են նախկինում անհայտ 19 հազար ստորջրյա լեռներ։ Դրա շնորհիվ ստորջրյա նավատորմը կբարելավի նավիգացիան, իսկ գիտնականները կկարողանան կազմել ծովային ջրերի հոսքերի եւ հոսանքների ավելի ճշգրիտ մոդելներ, դա օգտակար կլինի կլիմայի կանխատեսման համար, գրում է Phys.org-ը:
Այժմ քարտեզի վրա պատկերված է ծովի հատակի միայն մեկ քառորդը: Նոր տվյալները կօգնեն ստեղծել երկրի տեկտոնական թիթեղների եւ գեոմագնիսական դաշտի ավելի ճշգրիտ ատլասներ: Բացի այդ, ստորջրյա լեռներում կան բազմաթիվ հազվագյուտ հանքանյութեր, որոնք օգտակար կլինեն գիտության համար: