Եմենի իշխանությունները հայտարարել են, որ Սաուդյան Արաբիան ազատ է արձակել 104 հութի բանտարկյալների
Եմենի կառավարության մարդու իրավունքների գծով փոխնախարար Մաջիդ Ֆադեյլը հայտարարել է, որ Սաուդյան Արաբիան ազատ է արձակել Եմենում ռազմական գործողությունների ժամանակ գերի ընկած եմենյան շիական Անսար Ալլահ (հութիներ) շարժման 104 կողմնակիցներին։ Այս մասին նա գրել է Twitter-ում։
«Սաուդյան Արաբիայի միակողմանի մարդասիրական նախաձեռնությունը մեկնարկել է այսօր՝ արաբական ռազմական կոալիցիայի կողմից պահվող 104 հութիների ազատ արձակմամբ», - ասել է Ֆադայիլը:
Եմենի կառավարության մարդու իրավունքների հարցերով փոխնախարարի խոսքով՝ այս գործողությունները թագավորության նախկին մարդասիրական նախաձեռնությունների շարունակությունն են՝ կապված եմենցի բանտարկյալների հետ։