Քիմ Քարդաշյանը կմասնակցի Met Gala-յին

Քիմ Քարդաշյանը ներկա կգտնվի այս տարվա Met Gala-յին, չնայած այն տեղեկություններին, որ իրեն եւ իր ընտանիքին լեգենդար Vogue-ի գլխավոր խմբագիր Աննա Վինտուրը բացառել է լեգենդար երեկոյից:

Ըստ Page Six-ի՝ SKIMS-ի հիմնադիրը հաջորդ ամիս կայցելի Met Gala՝ վայելելու նորաձեւությունը եւ շփվելու էլիտայի հետ: Ավելի վաղ հրապարակումը նաեւ գրել էր, որ միջոցառումը տեղի կունենա «առանց Քարդաշյանների», քանի որ Վինտուրը «կրճատում է հյուրերի ցուցակը» 2023 թվականին։

Քարդաշյանն իր դեբյուտը Met Gala-ում կատարել է 2013 թվականին նախկին ամուսնու՝ Քանյե Ուեսթի հետ՝ վերջ տալով ռեալիթի հեռուստաաստղի համար անհարմար շրջանին, քանզի երբեք չէր եղել Վինտուրի հյուրերի ցանկում:

Վինտուրի ենթադրյալ նոր ընտրողականությունը ծագել է այն բանից հետո, երբ միջոցառումը վերջին տարիներին քննադատության է ենթարկվել՝ ավելի ցածր մակարդակի հայտնի մարդկանց, ներառյալ որոշ ինֆլուենսերների հրավիրելու համար:

Քիմը մասնակցել է ութ Met Gala-յի 2013 թվականի իր դեբյուտից հետո։ 2022 թվականի միջոցառումը նշանավորվեց առաջին անգամ, երբ բոլոր քույրերը՝ Քիմը, Քորթնին, Քլոեն, Քենդալը եւ Քայլին, հրավիրվեցին իրենց մոր՝ Քրիս Ջենների հետ միասին:

Քիմի առաջին հայտնվելը Met Gala-յում Քանյեի հետ 2013-ին քննադատության արժանացավ սոցիալական ցանցերում, եւ համացանցի շատ օգտատերեր նրա ծաղկավոր զգեստը համեմատեցին հին դպրոցի բազմոցի հետ:

Բայց նորաձեւության կուռքին չկանգնեցրեց դա, քանի որ նա ամեն տարի վերադառնում է՝ ցուցադրելով ավելի ու ավելի ցնցող կերպարներ: