Կալիֆոռնիայում ճագարը ծառայության է անցել ոստիկանությունում
Անցյալ տարի Կալիֆոռնիայի Յուբա Սիթի քաղաքում ոստիկանները գտել էին կորած ճագարի։ Նրան հանձնել են կենդանիների վերահսկողության ծառայությանը, սակայն նա չի գտել իր տերերին, հայտնում է AP-ը։
Ի վերջո ոստիկանները «հնազանդ եւ ընկերասեր» կենդանուն պահել են իրենց մոտ եւ անվանել Պերսի։ Օրերս իրավապահ մարմինները հայտարարել են ճագարին «առողջության սպա» կոչմանն արժանացնելու մասին։
Հաղորդվում է, որ նրա գլխավոր զբաղմունքը ոստիկանության բաժանմունքում օրվա ընթացքում պարապ մնալն ու ծառայողներին ուրախացնելն է։