Հայտնի է դարձել գաղտնի փաստաթղթերի արտահոսքից հետո Ուկրաինայի զինված ուժերի պլանների փոփոխության մասին
Ուկրաինայի իշխանությունները վերանայել են «որոշ ռազմական ծրագրեր»՝ ԱՄՆ-ում գաղտնի փաստաթղթերի արտահոսքի պատճառով, որոնցում բացահայտվում էր երկրի զինված ուժերի վիճակը: Այս մասին հայտնել է CNN հեռուստաալիքը՝ վկայակոչելով Ուկրաինայի նախագահ Վլադիմիր Զելենսկուն մոտ կանգնած աղբյուրը։
«Ուկրաինան արդեն փոխել է իր ռազմական որոշ ծրագրեր տեղեկատվության արտահոսքի պատճառով»,-ասվում է հրապարակման մեջ: Ընդ որում, հեռուստաալիքը չի բացահայտում, թե ինչ մտադրություններից է հրաժարվել Կիեւը եւ ինչ բնույթ են դրանք կրում:
Ուկրաինայի հակամարտության մասին Պենտագոնից գաղտնի փաստաթղթերի արտահոսքի մասին առաջին անգամ հայտնի է դարձել ապրիլի 7-ին: Մարտի սկզբին թվագրված ֆայլերում տեղեկություններ են պարունակվում ուկրաինական բանակի ամրապնդման հարցով ԱՄՆ-ի եւ ՆԱՏՕ-ի ծրագրերի մասին:
Ապրիլի 8-ին հաղորդվել է համացանցում եւս հարյուր ամերիկյան գաղտնի տվյալների ի հայտ գալու մասին։ Դրանք վերաբերում են Ուկրաինային, Մերձավոր Արեւելքում եւ Չինաստանում ամերիկյան ազգային անվտանգության հարցերին։