Համաշխարհային բանկը եւ ՄԱԿ-ը Ուկրաինայի էներգետիկայի եւ գազային ենթակառուցվածքների վնասը գնահատել են 10 մլրդ դոլար
Ուկրաինայի էներգետիկ, գազային եւ ջերմային ենթակառուցվածքներին հասցված վնասը կազմում է ավելի քան 10 միլիարդ դոլար։ Այս մասին նշվում է Համաշխարհային բանկի եւ ՄԱԿ-ի Զարգացման ծրագրի (ՄԱԿ) ընդհանուր գնահատականում։
ՄԱԿ-ի Զարգացման ծրագրի մամուլի ծառայությունը նշել է, որ Ուկրաինային շտապ վերանորոգման համար պետք է առնվազն 1,2 մլրդ դոլար հատկացնել։
Ամենից մեծ վնասը կրել է էներգետիկան՝ մոտ 6,5 մլրդ դոլար։ Ատոմակայանների վնասը կազմում է շուրջ 770 մլն դոլար։
ՄԱԿ-ում ընդգծել են, որ ձմռանը բացասական ջերմաստիճանի պայմաններում բնակավայրերը շաբաթներ շարունակ մնացել են առանց էլեկտրաէներգիայի, ուստի պետք է անհապաղ արտակարգ իրավիճակների ծրագիր մշակել հաջորդ ձմռան համար: Կազմակերպությունը հաշվարկել է, որ արտակարգ միջոցառումները կարող են արժենալ մոտ 1 միլիարդ դոլար: