Ֆլորիդայի նահանգապետը թույլատրել է նահանգում գաղտնի զենք կրել
Ֆլորիդայի նահանգապետ Ռոն Դեսանտիսը ստորագրել է օրենք, որը թույլ է տալիս նահանգի տարածքում գաղտնի զենք կրել՝ առանց իշխանություններից թույլտվություն ստանալու, հայտնել է նահանգապետի մամուլի ծառայությունը։
«Այսօր նահանգապետ Դեսանտիսը ստորագրել է 543 օրինագիծը, որն ամրապնդում է Ֆլորիդայի բնակիչների իրավունքները՝ համաձայն Սահմանադրության երկրորդ փոփոխության՝ թույլատրելու գաղտնի զենք կրել առանց իշխանությունների կողմից տրված թույլտվության»,- ասվում է հաղորդագրության մեջ։
Նշվում է, որ օրենքն ուժի մեջ կմտնի 2023 թվականի հուլիսի 1-ից։ Ֆլորիդան կդառնա ԱՄՆ-ի 26-րդ նահանգը, որը թույլ է տալիս գաղտնի զենք կրել:
Սպիտակ տունը քննադատել է Ֆլորիդայի նահանգապետի որոշումը Թենեսիի դպրոցում վերջերս տեղի ունեցած հրաձգության լույսի ներքո, որի հետեւանքով զոհվել է վեց մարդ, այդ թվում՝ երեք երեխա:
Gun Violence Archive ոչ կառավարական կազմակերպության գնահատականներով՝ 2022 թվականին ԱՄՆ-ում հրաձգության տարբեր միջադեպերը խլել են ավելի քան 44,3 հազար մարդու կյանք, իսկ մոտ 38,6 հազարը վիրավորվել է։