Հաագան հայտարարել է, որ Կոսովոյի նախկին նախագահը եւ 3 հրամանատարները մեղավոր են 100-ից ավելի սպանությունների համար
Ինքնահռչակ Կոսովոյի հանրապետության նախկին նախագահ Հաշիմ Տաչին, ինչպես նաեւ Կոսովոյի խորհրդարանի նախկին խոսնակներ Յակուպ Կրասնիչին եւ Կադրի Վեսելին, «Ինքնորոշում» կուսակցության նախկին պատգամավոր Ռեջեփ Սելիմին, որոնք եղել են Կոսովոյի ազատագրական բանակի դաշտային հրամանատարներ, պատասխանատու են ավելի քան 100 սպանությունների համար։
Այս մասին հայտարարել է Հաագայի հատուկ դատախազությունը (SPO):
«Նրանք պատասխանատու են առնվազն 102 սպանությունների համար եւ կիրառել են բռնի ազատազրկում», - նշվում է SPO-ի հայտարարության մեջ։
Հատուկ դատախազության ներկայացուցիչները հավելել են, որ նշված անձինք հանցագործություններ են կատարել «հանուն համատեղ հանցավոր նպատակի իրականացման»։ Դատական նիստի ընթացքում ցուցադրվել է ճամբարներն ու այն վայրերը պատկերող քարտեզ, որտեղ պահվել են զոհերը։
Նշվում է, որ նրանց բոլորին պահել են անմարդկային պայմաններում։ Զոհերի թվում եղել են լրագրողներ, ուսուցիչներ, գյուղատնտեսության աշխատողներ եւ քաղաքական այլախոհներ։