«Առանց իմպրովիզների». Ռուսաստանն ասում է՝ որտեղ է «բոլոր խնդիրների լուծման բանալին»

Հայաստանի, Ռուսաստանի և Ադրբեջանի արտգործնախարարների եռակողմ բանակցությունների տապալումից երեք ամիս անց Արարատ Միրզոյանը Մոսկվայում է: Ռուս գործնկերոջ հետ հանդիպման ժամանակ Հայաստանի արտգործնախարարն ասել է, թե Հայաստանն ակնկալում Է Ռուսաստանի աջակցությունը՝ Լեռնային Ղարաբաղ միջազգային փաստահավաք առաքելություն ուղարկելու հարցում: Նա նաև բողոքել է, որ Բաքուն արդեն հավակնում է բոլոր հայկական հողերին՝ դրանք անվանելով ադրբեջանական։