Աշխարհի առաջին «ռոբոտ փաստաբանին» դատում են իրավաբանական կրթության բացակայության համար
Արհեստական ինտելեկտի (AI) դեմ, որը պետք է լիներ աշխարհի առաջին «ռոբոտ փաստաբանը», դատական հայց են ներկայացրել․ նրան մեղադրում են իրավաբանական կրթության եւ աշխատանքի լիցենզիայի բացակայության մեջ, հայտնում է Daily Mail-ը։
Այս գործով հայցվորը ամերիկյան Edelson իրավաբանական ընկերությունն է։ Նա մեղադրում է արհեստական ինտելեկտի վրա հիմնված DoNotPay հավելվածի սեփականատեր ընկերությանը նրանում, որ վերջինս առաջարկում է ծառայություններ՝ «դրանք ներկայացնելով որպես օրինական»:
DoNotPay-ը հաճախորդներին չաթ բոտ է առաջարկում, որն օգնում է ինքնուրույն պաշտպանություն ստեղծել եւ մասնակցել դատական գործերին, օրինակ՝ մեծ ընկերությունների դեմ։
Դա անելու համար բոտը գործի վերաբերյալ մի շարք հարցեր է տալիս, որոշում է, թե արդյոք հնարավոր է բողոքարկել, եւ նույնիսկ ստեղծում է դիմում, որով պետք է դիմել դատարան: Սակայն Edelson-ի ներկայացուցիչները կարծում են, որ ծառայության ստեղծողները աշխատում են անօրինական կերպով։
«Ցավոք, իր հաճախորդների համար, DoNotPay-ը ոչ ռոբոտ է, ոչ փաստաբան, ոչ էլ իրավաբանական ընկերություն: DoNotPayt-ը չունի իրավաբանական կրթություն եւ լիցենզիա», - նշվում է հայցվորի հայտարարության մեջ:
DoNotPay-ի ներկայացուցիչները դեռ պաշտոնական մեկնաբանություն չեն տվել իրենց դեմ ներկայացված հայցի վերաբերյալ։
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Մակրոնը և Սթարմերը Ուկրաինայի հարցով հանդիպում են հրավիրել
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Հանրապետության առանձին շրջաններում սպասվում է կարճատև անձրև և ամպրոպ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Հայաստանի գավաթի խաղարկության եզրափակիչում կմրցեն «Նոան» և «Ուրարտուն»