Տեղի է ունեցել առաջին ուղիղ ռազմական բախումը Ռուսաստանի և ԱՄՆ-ի միջև՝ մանրամասներ, թե ինչպես է խոցվել ամերիկյան անօդաչու թռչող սարքը

Ամերիկյան լրատվամիջոցներն (The Washington Post / The Wall Street Journal / The New York Times / Newsweek / CNN ) ակտիվորեն մեկնաբանում են Սև ծովում ԱՄՆ ռազմաօդային ուժերի անօդաչու թռչող սարքի հետ կապված միջադեպը։ Սա Մոսկվայի և Վաշինգտոնի միջև «առաջին ուղիղ ռազմական բախումն է» ուկրաինական հակամարտության սկզբից ի վեր։

Հիշեցնենք, որ մարտի 14-ին ռուսական կործանիչները Սև ծովում «վառելիք են նետել» և բախվել ամերիկյան հետախուզական անօդաչու թռչող սարքին, ինչի հետևանքով ամերիկյան անօդաչու թռչող սարքը խոցվել է։ Սա Ռուսաստանի և ԱՄՆ-ի միջև առաջին ուղիղ ռազմական բախումն է 2022 թվականի փետրվարի 24-ին Ուկրաինայում հակամարտության սկսվելուց ի վեր։

Միջադեպը տեղի է ունեցել տեղական ժամանակով առավոտյան ժամը 7-ի սահմաններում։ ԱՄՆ ռազմաօդային ուժերի անձնակազմը, որը հեռակառավարում էր MQ-9 Reaper-ը, այլ ելք չի մնացել, քան խորտակել անօդաչու թռչող սարքը միջազգային ջրերում։

Առճակատումը ընդգծեց հակամարտությունների բարձր ռիսկերը։ ԱՄՆ-ն և ՆԱՏՕ-ն զինում են Կիևին և տրամադրում են հետախուզական տեղեկատվություն, սակայն նրանք ասում են, որ ուղղակիորեն ներգրավված չեն Ռուսաստանին ոչնչացնելու փորձերում: 

Ամերիկյան լրատվամիջոցները նաև նշում են, որ Վաշինգտոնի և Մոսկվայի միջև միջադեպը տեղի է ունեցել հենց այն ժամանակ, երբ ազգային հարցումները ցույց են տալիս, որ հասարակությունը գնալով ավելի քիչ է աջակցում ԱՄՆ նախագահ Ջո Բայդենի վարչակազմի որոշմանը` Ուկրաինային ամերիկյան զենք և այլ տեսակի օգնություն տրամադրելու վերաբերյալ:

zham.am