Անգլիայի բանտարկյալները մատնահարդարում են սովորում
Բրիտանական բանտերում բանտարկյալները մատնահարդարում եւ կոսմետոլոգիա են սովորում, որպեսզի ազատ արձակվելուց հետո աշխատանքի ընդունվեն գեղեցկության սրահներում, գրում է Daily Star-ը։
Դասընթացները կազմակերպվել են բանտում գտնվող տղամարդկանց համար, որպեսզի օգնեն նրանց ազատ արձակվելուց հետո սոցիալականացվել և աշխատանք գտնել: Ուսուցման ընթացքում բանտարկյալները սովորում են ներկել, փայլեցնել և զարդարել իրենց եղունգները վառ գույներով ու նկարներով:
«Որոշ բանտարկյալների դուր են գալիս վառ ու խրթին նախշերը։ Անկեղծ ասած, դա նրանց մի փոքր աշխուժացնում է»,- ասվում է հաղորդագրության մեջ։
Բացի այդ, Բրիտանիայի որոշ բանտերում բանտարկյալները դասընթացներ են անցնում շինարարության, նկարչության, զարդարման, ինչպես նաև ճիշտ սնվելու վերաբերյալ։